Meicro-Ofal yn Sir y Fflint
Croeso i dudalennau gwe Meicro-Ofal Cyngor Sir y Fflint.
Ar y tudalennau yma fe gewch chi’r holl wybodaeth fydd arnoch chi ei hangen am:
• Sut i ddod yn feicro-ofalwr
• Canfod meicro-ofalwr i’ch cefnogi chi gyda’ch anghenion gofal neu les
Beth ydi Meicro-Ofal?
Mae meicro-ofal yn ffordd newydd o ddarparu gofal a chefnogaeth i bobl yn Sir y Fflint.
Mae meicro-ofalwyr yn bobl, neu'n fusnesau bach, sy’n cynnig gofal, cefnogaeth neu wasanaethau lles hyblyg a phersonol i bobl.
Maen nhw’n gweithio gyda’u cleientiaid i ganfod beth sy’n bwysig iddyn nhw a’r ffordd orau i’w cefnogi er mwyn iddyn nhw gyrraedd eu nodau.
Gall meicro-ofalwyr helpu pobl gydag amrywiaeth o bethau, er enghraifft:
Gwasanaethau gofal cartref Seibiant i ofalwyr Gwyliau a seibiant byr Gweithgareddau sy’n dod â phobl at ei gilydd Cyfleoedd hamdden, lles a chymdeithasol Glanhau Cymorth gyda biliau Gofalu am anifeiliaid anwes Ymgyfeillio/cwmnïaeth Help i arddio Darparu prydau ar gyfer pobl yn eu cartrefi eu hunain Mynd i mewn ac allan o’r gwely Nôl neges ar gyfer un neu fwy nag un person
Gellir talu meicro-ofalwyr drwy daliad uniongyrchol neu drwy gronfeydd unigolyn.
Mae’r Prosiect Meicro-Ofal wedi’i gefnogi gan Gyngor Sir y Fflint mewn partneriaeth â Llywodraeth Cymru, cynllun ariannu Leader 2014-2020 a chyda Cadwyn Clwyd fel corff gweinyddu. Mae Cwmnïau Cymdeithasol Cymru yn cefnogi datblygiad mentrau meicro-ofal yn Sir y Fflint.
Cysylltwch â ni
E-bost: micro-care@flintshire.gov.uk